يا وَد يا طاقة حروف ..
أديني مترين من غنا
قسمني للجُهَّال أمان ..
وللبنيات بالعديل
فستان حرير ..
مشغول مطرز بالفرح
أطرافو بالبهجة بتزغرد وتنتشي
وزعني لي كل البيوت
منديل عشم ..
لكل خالة وكل أم
لفلفني في الراس زي عمم
هامات فخار .. جود وكرم
ما انسد بابهم في الوشي
غطيني بالسمحة أم عجن
طرحة حيا وكم توب خجل
أو قرمصيص .. ساعة رقيص
اتنادوا اتلموا الاهل
"عريسنا ورد البحر..
وقطع جرايد النخل"
جاييك مجرتق بالوفا
جاييك بتوب العز قدل
بالريحة قومي ورشرشي
يا ود غنا ..
وترا يدندن في الخيال
لملم خيوط حرفك تعال
نورا كاسيها الدلال
راجياك تطل زي الهلال
يضوي ليلاتنا ف عشي
"إهداء إلى صديقي ياسين .. حبيب نورة"
أديني مترين من غنا
قسمني للجُهَّال أمان ..
وللبنيات بالعديل
فستان حرير ..
مشغول مطرز بالفرح
أطرافو بالبهجة بتزغرد وتنتشي
وزعني لي كل البيوت
منديل عشم ..
لكل خالة وكل أم
لفلفني في الراس زي عمم
هامات فخار .. جود وكرم
ما انسد بابهم في الوشي
طرحة حيا وكم توب خجل
أو قرمصيص .. ساعة رقيص
اتنادوا اتلموا الاهل
"عريسنا ورد البحر..
وقطع جرايد النخل"
جاييك مجرتق بالوفا
جاييك بتوب العز قدل
بالريحة قومي ورشرشي
وترا يدندن في الخيال
لملم خيوط حرفك تعال
نورا كاسيها الدلال
راجياك تطل زي الهلال
يضوي ليلاتنا ف عشي
"إهداء إلى صديقي ياسين .. حبيب نورة"
